19 avgust kuni Shimoliy Koreya yetakchisi Kim Chen In Harbiy-dengiz kuchlari eshminechisiga tashrifi davomida mamlakat yadroviy arsenalini "tezkor sur’atlarda" kengaytirish lozimligini aytdi. Uning so‘zlariga ko‘ra, mintaqaviy xavfsizlik tobora keskinlashib borayotgan bir sharoitda mavjud harbiy nazariya va amaliyotda tub o‘zgarishlar talab etilmoqda.
Bu bayonot Janubiy Koreya va AQSH o‘rtasidagi "Ulchi Freedom Shield" harbiy mashg‘ulotlari fonida yangradi. Pxenyang bu mashqlarni "bosqinchilik harakati" deb hisoblaydi. Kim Chen In ularni "urush qo‘zgatishga bo‘lgan ochiq-oydin istak" deb baholadi.
Avvalroq Janubiy Koreya o‘z dala mashg‘ulotlarining bir qismini sentyabrgacha ko‘chirishini ma’lum qilgan edi. Bu harakat muloqotga yo‘l ochish maqsadini ko‘zlasa-da, Pxenyang tomonidan ijobiy javobga uchramadi.
Shuningdek, Shimoliy Koreya Janub bilan munosabatlarni konstitutsiyaviy darajada rad etishga tayyorlanayotgani ham xabar qilingandi. Kim Chen Inning singlisi Kim Yo Chjon esa Janubni "eng dushmanona davlat" deb atagan.
