“O‘zgidromet” ma’lumotlariga ko‘ra, 20 noyabr soat 9:00 holatida avtomatik stansiyalar poytaxt havosi dagi zararli mayda zarrarlar darajasining oshganini qayd etgan. PM2.5 kontsentratsiyasi 202 mkg/m³ ni tashkil etgan — bu belgilangan me’yordan 3,4 baravar yuqori. PM10 ko‘rsatkichi 299 mkg/m³ bo‘lib, hali ruxsat etilgan chegaradan oshmagan.
AQAir reytingiga ko‘ra, bugun soat 11:00 da Toshkent dunyodagi eng iflos havoli shaharlar orasida 3-o‘rinni egallagan.
Mutaxassislar ifloslanishning ortishiga keskin harorat o‘zgarishlari sabab bo‘lgan inversiya omili sifatida ta’sir qilayotganini aytmoqda. Bunday sharoitda zararli zarralar yerga yaqin havo qatlamida to‘planib qoladi.
“O‘zgidromet” poytaxt aholisi va mehmonlariga ochiq havoda bo‘lish vaqtini qisqartirishni, ko‘chalarga chiqqanda tibbiy niqob taqishni tavsiya etdi.
