"Sog`lom avlod uchun" xalqaro xayriya fondida onalik va bolalikni muhofazalash borasida amalga oshirilayotgan ishlarga bag`ishlangan anjuman bo`lib o`tdi. Unda O`zbekiston Sog`liqni saqlash vazirligi, Respublika skrining markazi vakillari, jurnalistlar ishtirok etdi. Bu haqda O`zA xabar bermoqda.
"Sog`lom avlod uchun" xalqaro xayriya fondi boshqaruvi raisi S.Inomova va boshqalar mamlakatimizda Birinchi Prezidentimiz Islom Karimovning g`oyasi va tashabbusi asosida ishlab chiqilgan “Sog`lom ona – sog`lom bola” dasturi asosida amalga oshirilayotgan izchil ishlar navqiron avlodni har tomonlama etuk va barkamol etib voyaga etkazishda yuksak samaralar berayotganini alohida ta`kidladi.
Bu yo`nalishda "Sog`lom avlod uchun" xalqaro xayriya fondi ham izchil ish olib bormoqda. Oilalarga tibbiy yordamni yaqinlashtirish, oila a`zolari, ayniqsa, ayollar va bolalarning salomatligini muhofazalash, xonadonlardagi tibbiy-ijtimoiy, psixologik muhitni o`rganish, aniqlangan muammolarni hal etishga har tomonlama ko`maklashish, oilada sog`lom hayot tarzini yuksaltirishga alohida e`tibor qaratilayotir.
«Sog`lom ona va bola yili» Davlat dasturi doirasida amalga oshirilayotgan ana shunday tadbirlar jarayonida to`rt mingdan ko`proq oilaga tibbiy patronaj xizmati ko`rsatildi. Ikki yuz ellik mingdan ziyod aholi chuqurlashtirilgan tibbiy ko`rikdan o`tkazildi va ijtimoiy himoyaga muhtoj aholiga manzilli ravishda muruvvat yordami etkazildi.
Nogiron bolalar tug`ilishining oldini olish, tug`ma va irsiy kasalliklarni barvaqt aniqlash va bunday farzandlari bor oilalarga tibbiy-ijtimoiy ko`mak ko`rsatishga ham alohida e`tibor qaratilayotir. Bu yo`nalishdagi ustuvor vazifalarni hayotga tatbiq etish maqsadida O`zbekiston Respublikasi Sog`liqni saqlash vazirligi hamda xorijiy tashkilotlar bilan hamkorlikda keng ko`lamli ishlar amalga oshirilmoqda. Xususan, barcha skrining markazlari reaktiv va reagentlar bilan to`liq ta`minlanmoqda. Fenilketonuriya kasalligiga chalingan bolalar uchun maxsus ozuqalar etkazib berilmoqda.
Tadbirda fond mablag`i va davlat ijtimoiy buyurtmasiga asosan olingan navbatdagi ana shunday maxsus ozuqalar Respublika skrining markaziga topshirildi.
04.06.2021, 17:58
Rossiya Federasiyasining Sankt-Peterburg shahridagi I. Mechnikov nomidagi Shimoliy-sharqiy davlat tibbiyot universiteti klinikasi endovaskulyar xirurgiya bo`limi rahbari, tibbiyot fanlari nomzodi Aleksandr Kaledin tomonidan 2016 yilda bemorning...
29.03.2021, 18:15
Kecha, 28 mart kuni O`zbekiston Respublikasi Oliy Majlisi Senati Xotin-qizlar va gender tenglik masalalari qo`mitasi raisi o`rinbosari Nosirbek Abdullaxanov tashabbusi bilan Namangan viloyatida ilk marotaba...
09.11.2019, 23:59
Vazirlar Mahkamasining Qoraqalpoq tibbiyot institutini tashkil etish to`g`risidagi qarori loyihasi muhokama uchun joylashtirildi.Unga ko`ra, Toshkent pediatriya tibbiyot institutining Nukus filiali negizida Qoraqalpoq tibbiyot instituti tashkil etiladi.Loyihada...
11.07.2017, 21:10
Toshkentning Shayxontohur tumanida 8 iyul kuni 25 yoshli yigit o`z joniga qasd qildi. Bu haqda “Daryo” xabar bermoqda.Tergov ma`lumotlariga ko`ra, 1992 yilda tug`ilgan yigit balkonda...
