Kecha, 5 fevral kuni Prezident administratsiyasi rahbari Saida Mirziyoyeva Qozog‘iston Parlamenti Senati Raisi Maulen Ashimbayev bilan uchrashuv o‘tkazdi. Bu haqda u o‘zining ijtimoiy tarmoqlardagi sahifasida yozdi.
Maulen Ashimbayev bilan Suhbat samimiy va do‘stona ruhda o‘tdi. O‘zbekiston va Qozog‘iston o‘rtasida oliy darajadagi o‘zaro ishonch va yaqin muloqotga asoslangan munosabatlar ancha jadal rivojlanib borayotganini mamnuniyat bilan qayd etdik. Quvonarlisi, 2025 yil ikki tomonlama hamkorlik uchun muhim va samarali bosqich bo‘ldi, — deya qayd etadi Mirziyoyeva.
Shuningdek, u parlamentlararo muloqotlar, savdo-iqtisodiy va madaniy-gumanitar aloqalarni kengaytirish masalalari haqida ham suhbat bo‘lganini bildiradi.
Mamlakatlarimiz o‘rtasidagi amaliy hamkorlik bundan buyon ham izchil mustahkamlanib borishiga ishonaman,— deya yozadi Prezident administratsiyasi rahbari.
Eslatib o‘tamiz, kuni kecha, Saida Mirziyoyeva Abu-Dabida Shayx Zoid nomidagi "Insoniy birodarlik" mukofoti g‘oliblarini taqdirlash marosimida ishtirok etgani haqida xabar bergan edik.
