Davlat xavfsizlik xizmati hamda bojxona organlari xodimlari hamkorligida o‘tkazilgan tezkor tadbir davomida qimmatbaho metalllar noqonuniy savdosiga chek qo‘yildi.
Ma’lum qilinishicha, Andijon shahrida yashovchi 1985 yilda tug‘ilgan shaxs bir nechta tashmachilar yordamida “Do‘stlik” xalqaro nazorat-o‘tkazish punkti orqali bojxona nazoratini chetlab o‘tib, Qirg‘izistondan olib kelingan qiymati 17 ming AQSh dollariga teng 162 gramm oltin buyumlarni qabul qilib olgan.
U Andijon tomonga harakatlanayotgan vaqtida Xo‘jaobod tumanidagi YPX maskanida ushlangan.
Shundan so‘ng o‘tkazilgan surishtiruvlarda Qo‘qon shahrida yashovchi 1983 yilda tug‘ilgan fuqaro 908 gramm platina metallini sotish uchun xaridor izlayotgani aniqlandi.
Ko‘rilgan tezkor choralar natijasida ushbu shaxs qimmatbaho metallni shartli xaridorga 62 950 AQSh dollariga sotayotgan vaqtida ashyoviy dalillar bilan qo‘lga olingan.
Hozirda holat yuzasidan tergovgacha tekshiruv harakatlari olib borilmoqda.
