Toshkent shahrining Sergeli tumanida ikki kishining o‘limi bilan bog‘liq holat yuzasidan jinoyat ishi qo‘zg‘atildi. Bu haqda Bosh prokuratura Darakchi.uz'ga ma'lum qildi.
Dastlabki ma'lumotlarga ko‘ra, voqea 21 may kuni sodir bo‘lgan. Hodisa oqibatida 2004 yilda tug‘ilgan qiz hamda 1975 yilda tug‘ilgan Xitoy fuqarosi vafot etgan.
Mazkur holat yuzasidan Sergeli tumani prokuraturasi tomonidan Jinoyat kodeksining 97-moddasi 2-qismi — qasddan odam o‘ldirish bilan jinoyat ishi qo‘zg‘atilgan.
Jinoyatni sodir etganlikda gumon qilinayotgan 1998 yilda tug‘ilgan shaxs, o‘qituvchi, protsessual tartibda ushlangan. Bosh prokuratura ma'lumotiga ko‘ra, hozirda ish bo‘yicha tergov harakatlari olib borilmoqda.
