Маълум қилинишича, спортчи 19 март куни Қум шаҳрида осиб ўлдирилган. У Меҳди Қосимий ва Саид Довудий билан бирга 8 январь куни ҳукуматга қарши намойишлар вақтида полиция ходимларига ҳужум қилганликда айбдор деб топилган.
Бироқ мазкур иш халқаро инсон ҳуқуқлари ташкилотларида жиддий шубҳаларни келтириб чиқармоқда. Муҳаммадий айбларни рад этган ва иқрорлик кўрсатмалари қийноқлар остида олинганини билдирган.
Ҳуқуқ ҳимоячиларига кўра, суд бу даъволарни текширмасдан рад этган, жараён эса шаффоф бўлмаган ва шошилинч тарзда ўтказилган. Шунингдек, мураббийлар ва жамоадошлар унинг воқеа пайтида бошқа жойда бўлганини айтган, аммо бу кўрсатмалар инобатга олинмаган.
