Amerika va Isroil hujumlaridan so‘ng Eron o‘z yerosti bunkerlari va raketa shaxtalarini bir necha soat ichida tiklamoqda. Bu haqda AQSh razvedkasi hisobotlariga tayanib, "The New York Times" xabar berdi.
Hisobotda aytilishicha, Tehron katta miqdorda raketalar va mobil uchirish qurilmalarini saqlab qolgan. Bu holat harbiy kampaniyaning asosiy maqsadlaridan biri – Eronning raketa salohiyatini yo‘q qilish amalga oshganini shubha ostiga qo‘yadi.
Pentagon Eron hujumlari shiddati pasayganini va buni Tehron arsenali kamayishi bilan bog‘lagan, ammo razvedka ma’lumotlariga ko‘ra, Eron urush davom etsa yoki tugasangina bosim o‘tkazish qobiliyatini saqlash uchun ko‘plab uchirish qurilmalarini bunkerlar va g‘orlarda yashirib kelmoqda.
Hisobotda qayd etilishicha, Tehron qolgan ballistik raketalar va uchirish qurilmalaridan Isroil va mintaqadagi boshqa davlatlarga zarba berish imkoniyatini saqlab turibdi. Shu bilan birga, Eron "yolg‘on nishonlar"dan faol foydalanmoqda, shu bois AQSh vayron qilingan qurilmalarning qanchasi haqiqiyligini aniq aytolmaydi.
NYT ma’lumotlariga ko‘ra, hujumlar shiddati pasayganiga qaramay, Eron Isroil va AQSh bilan bog‘liq ob’yektlarga kuniga 15–30 ta ballistik raketa va 50–100 ta kamikadze dronlarni uchirishda davom etmoqda.
