Ekologik partiya fraksiyasi deputatlari hayvonlarga nisbatan shafqatli munosabatni ta’minlashga qaratilgan yangi qonun loyihasini taklif qilmoqda.
So‘nggi yillarda hayvonlarga zulm holatlari kamaygan bo‘lsa-da, hanuzgacha uchrab turadi. Yangi qonun loyihasiga ko‘ra, shafqatsiz munosabat uchun jazolar kuchaytiriladi: jarimalar bazaviy hisoblash miqdorining 200 baravarigacha (82 mln so‘m) oshirilishi yoki 1 yilgacha ozodlikdan mahrum qilish ko‘zda tutilmoqda.
Shuningdek, hayvonlarga yetkazilgan zarar uchun veterinariya xarajatlarini qoplash majburiyati, ularni tashlab ketish holatiga chek qo‘yish va egalarining majburiyatlarini aniq belgilash ko‘zda tutilgan. Qonun loyihasi jamoat joylarida hayvonlar uchun qulayliklar yaratish, yo‘lboshlovchi va yordamchi hayvonlar bilan transportdan foydalanish imkoniyatlarini kengaytirishni ham nazarda tutadi.
Ekopartiya jamoatchilikni takliflar bilan chiqishga chaqirib, qonun loyihasini takomillashtirish jarayonida faol ishtirok etishni so‘radi. Avvalroq, Toshkent viloyati Bo‘stonliq tumanida mushuklarga nisbatan zulm qilgan M. Sh. 15 kunlik ma’muriy qamoq jazosi bilan jazolangan edi.
