«Shodiyona» ruleti
Yangicha o`rama, yangicha ta`m!
Zarur masalliqlar: 400 gr tovuq go`shti (2 ta katta bo`lak, suyaksiz go`sht), 75 gr. pishloq, yarim stakandan qaymoq va suv yoki sho`rva, 1 bosh piyoz, 5 osh qoshiq o`simlik yog`i, 4 osh qoshiq non tolqoni, tuz, qora murch, 1 bo`lak sarimsoqpiyoz,.
Tayyorlanishi: 1. Piyoz va qo`ziqorinni maydalab to`g`rab, 2 osh qoshiq qizdirilgan o`simlik yog`ida qovuring. Olovdan olgach, tuz, murch va ta`bga ko`ra maydalangan sarimsoqpiyoz qo`shing.
2. Tovuq go`shtini sellofanga o`rang-da, bolg`acha bilan uring. So`ngra sellofadan olib, qovurilgan sabzavotlarni soling. Endi qirg`ichdan o`tkazilgan pishloq sepib, rulet shaklida o`rang-da, ip bilan bog`lang.
3. Ruletlarni avval ko`pirtirilgan tuxumga botirib olib, keyin non tolqoniga belang.
4. Qizdirilgan o`simlik yog`ida ruletlarning ikki tomonini ham qizartirib qovuring. Qaymoqqa suv yoki sho`rvadan solib aralashtiring, ta`miga ko`ra tuzlab, ichiga qovurilgan tovuq go`shtini joylang-da, 30 daqiqa past olovda qopqog`ini yopib, dimlang.
55 daqiqa
4 kishilik
«Mehmonjonlar» taomi
Zar qog`ozga o`ralgan sovg`a!
Zarur masalliqlar: 1 ta tovuq go`shti (suyaksiz, asosiy qismi), 1 choy qoshiq xantal, 2-3 bo`lak sarimsoqpiyoz, qalampir, karri, limon, timyan o`simligi, 1 osh qoshiq o`simlik yog`i, tuz, qora murch; garnir uchun: sabzavotlar, tuz, murch.
Tayyorlanishi: 1. Tovuq go`shtining terisini shilib, bir-ikki joyiga kesalab pichoq sanching. O`simlik yog`i va timyan o`simligidan surting.
2. Endi xantal surtib, kesilgan joylariga sarimsoqpiyoz bo`laklarini joylaysiz.
3. Kattaroq zar qog`ozni gaz patnisi ustiga yoying. Sabzi, bulg`or qalampiri, piyozdan engilgina garnir tayyorlab, zar qog`ozga soling. Ustidan tuz, murch seping.
4. Tovuq go`shtini sabzavotli garnir ustiga qo`yib, karri, qalampir seping-da, limon bo`laklarini joylang. Zar qog`ozni yaxshilab yoping, faqat tovuq go`shtiga yopishtirib o`ramang. 200 darajada qizdirilagn gaz pechiga 25 daqiqaga qo`ying. So`ngra zar qog`ozni ochib, yana 5-6 daqiqa gaz pechida qoldiring.
4 kishilik
1 soat
«Chupa-chups»
Shirinlik emas, to`yimli egulik!
Zarur masalliqlar: 300 gr. go`sht qiymasi, 1 dona tuxum sarig`i, 3 osh qoshiq non tolqoni, 1 bosh piyoz, 3 bo`lak sarimsoqpiyoz, qizdirilgan o`simlik yog`i, kashnich, tuz, ziravorlar.
Tayyorlanishi: 1. Go`sht qiymasiga tuxum sarig`ini qo`shib, yaxshilab aralashtiring.
2. Piyoz va sarimsoqpiyozni maydalab to`g`rang-da, qiyma bilan aralashtiring. So`ngra barcha ziravorlar va tuzni qo`shing.
3. Qiymadan kichik «sharcha»lar yasab, chupa-chups tayoqchalariga qistiring. So`ngra non tolqoniga belab oling.
4. «Chupa-chups»larimizni qizdirilgan o`simlik yog`ida qovurib oling-da, keyin qog`oz sochiqchalarga qo`yib, ortiqcha yog`ini shimdiring. Dasturxonga shivit bilan bezab torting.
50 daqiqa
6 kishilik
«Suv parisi»
Baliq go`shtidan taom tayyorlashni unutmang!
Zarur masalliqlar: 1,5 kg. baliq go`shti, yarim bosh piyoz, yarimta limon, yarim bog` shivit, zaytun yog`i, 1 osh qoshiq smetana, 1 choy qoshiq xantal, qizil piyoz va ko`kpiyoz, tuz, murch.
Tayyorlanishi: 1. Tozalangan baliq go`shtini yaxshilab yuvib, qog`oz sochiqcha bilan arting-da, tuz seping.
2. Piyozni yarim halqa shaklida to`g`rab, maydalangan shivit bilan aralashtiring.
3. Piyoz va shivitni baliq ichiga soling. Baliq go`shti ustini pichoq bilan kesib, limon bo`laklarini joylang.
4. Endi baliq go`shtini zaytun yog`i solingan qolipga joylang. Murch seping. Smetana, tuz va xantalni aralashtirib, baliq go`shti ustiga surting. Qolipni zar qog`oz bilan yopib, 180 darajada qizdirilgan gaz pechiga 20 daqiqaga qo`ying. Belgilangan muddat o`tgach, zar qog`ozni ochib, yana 15 daqiqa gaz pechbda qoldiring. Dasturxona qizil piyoz va ko`kpiyoz bilan bezatib torting.
1 soat
4 kishilik
«Yangi yil oqshomi»
Soat millari 00:00ga bong urganda!
Zarur masalliqlar: 1 kilogrammdan qo`y qovurg`asi va kartoshka, 1 bosh sarimsoqpiyoz, 2 osh qoshiq zaytun yog`i, rozmarin, tuz, murch.
Tayyorlanishi: 1. Qo`y qovurg`asi bo`laklariga tuz, murch seping. Rozmarin va maydalangan sarimosoqpiyozni ham aralashtirib, zaytun yog`ini qo`shing-da, yarim soat marinadlab qo`ying.
2. Kartoshkani katta bo`laklarga bo`ling. Tuz, murch sepib, ezilgan sarimsoqpiyoz va zaytun yog`i qo`shing.
3. Qalinroq sellofan ichiga qo`y go`shti va kartoshkani soling. Sellofanning ikki tomonini yaxshilab bog`lab, 170-180 darajada qizdirilgan gaz pechiga 50 daqiqalarga qo`ying. So`ngra sellofanni biroz joyini ochib, to go`sht usti yaxshilab qizarguncha qoldiring.
2 soat
6 kishilik
10.12.2021, 10:32
Har yili uzoq kutiladigan Yangi yil ayyomiga sanoqli kunlar qoldi. Toshkentda esa bayram tantanalarini nishonlash uchun tayyorgarlik ishlari allaqachon boshlab yuborilgan. Eng baland sanalgan yurtimizning...
27.12.2019, 17:33
Insonlar Yangi yil bayramini odatda qorli sovuq ob-havo bilan kutib olishni xohlaydilar.Biroq boshqa janubiy o`lkalar kabi O`zbekiston aholisi ham har doim Yangi yilni qor bilan...
17.12.2019, 22:10
Qashqadaryodagi tashkilot, korxona va muassasalar binolarini yangi yil arafasida bayramona bezalganlik darajasini aniqlash maqsadida viloyat hokimligi tomonidan “Eng yaxshi yangi yil manzarasi” tanloviga start berildi,...
26.11.2019, 17:14
Istiqlol ko`chasidagi Alisher Navoiy nomidagi kutubxonada yonida odatdagidan ko`ra erta Toshkentning asosiy yangi yil archasi o`rnatila boshlandi.Darakchi.uz tahririyatiga yuborilgan suratlardan ko`rinib turibdiki, Archaning karkasi o`rnatib...
