«Шодиёна» рулети
Янгича ўрама, янгича таъм!
Зарур масаллиқлар: 400 гр товуқ гўшти (2 та катта бўлак, суяксиз гўшт), 75 гр. пишлоқ, ярим стакандан қаймоқ ва сув ёки шўрва, 1 бош пиёз, 5 ош қошиқ ўсимлик ёғи, 4 ош қошиқ нон толқони, туз, қора мурч, 1 бўлак саримсоқпиёз,.
Тайёрланиши: 1. Пиёз ва қўзиқоринни майдалаб тўғраб, 2 ош қошиқ қиздирилган ўсимлик ёғида қовуринг. Оловдан олгач, туз, мурч ва таъбга кўра майдаланган саримсоқпиёз қўшинг.
2. Товуқ гўштини целлофанга ўранг-да, болғача билан уринг. Сўнгра целлофадан олиб, қовурилган сабзавотларни солинг. Энди қирғичдан ўтказилган пишлоқ сепиб, рулет шаклида ўранг-да, ип билан боғланг.
3. Рулетларни аввал кўпиртирилган тухумга ботириб олиб, кейин нон толқонига беланг.
4. Қиздирилган ўсимлик ёғида рулетларнинг икки томонини ҳам қизартириб қовуринг. Қаймоққа сув ёки шўрвадан солиб аралаштиринг, таъмига кўра тузлаб, ичига қовурилган товуқ гўштини жойланг-да, 30 дақиқа паст оловда қопқоғини ёпиб, димланг.
55 дақиқа
4 кишилик
«Меҳмонжонлар» таоми
Зар қоғозга ўралган совға!
Зарур масаллиқлар: 1 та товуқ гўшти (суяксиз, асосий қисми), 1 чой қошиқ хантал, 2-3 бўлак саримсоқпиёз, қалампир, карри, лимон, тимьян ўсимлиги, 1 ош қошиқ ўсимлик ёғи, туз, қора мурч; гарнир учун: сабзавотлар, туз, мурч.
Тайёрланиши: 1. Товуқ гўштининг терисини шилиб, бир-икки жойига кесалаб пичоқ санчинг. Ўсимлик ёғи ва тимянь ўсимлигидан суртинг.
2. Энди хантал суртиб, кесилган жойларига саримсоқпиёз бўлакларини жойлайсиз.
3. Каттароқ зар қоғозни газ патниси устига ёйинг. Сабзи, булғор қалампири, пиёздан енгилгина гарнир тайёрлаб, зар қоғозга солинг. Устидан туз, мурч сепинг.
4. Товуқ гўштини сабзавотли гарнир устига қўйиб, карри, қалампир сепинг-да, лимон бўлакларини жойланг. Зар қоғозни яхшилаб ёпинг, фақат товуқ гўштига ёпиштириб ўраманг. 200 даражада қиздирилагн газ печига 25 дақиқага қўйинг. Сўнгра зар қоғозни очиб, яна 5-6 дақиқа газ печида қолдиринг.
4 кишилик
1 соат
«Чупа-чупс»
Ширинлик эмас, тўйимли егулик!
Зарур масаллиқлар: 300 гр. гўшт қиймаси, 1 дона тухум сариғи, 3 ош қошиқ нон толқони, 1 бош пиёз, 3 бўлак саримсоқпиёз, қиздирилган ўсимлик ёғи, кашнич, туз, зираворлар.
Тайёрланиши: 1. Гўшт қиймасига тухум сариғини қўшиб, яхшилаб аралаштиринг.
2. Пиёз ва саримсоқпиёзни майдалаб тўғранг-да, қийма билан аралаштиринг. Сўнгра барча зираворлар ва тузни қўшинг.
3. Қиймадан кичик «шарча»лар ясаб, чупа-чупс таёқчаларига қистиринг. Сўнгра нон толқонига белаб олинг.
4. «Чупа-чупс»ларимизни қиздирилган ўсимлик ёғида қовуриб олинг-да, кейин қоғоз сочиқчаларга қўйиб, ортиқча ёғини шимдиринг. Дастурхонга шивит билан безаб тортинг.
50 дақиқа
6 кишилик
«Сув париси»
Балиқ гўштидан таом тайёрлашни унутманг!
Зарур масаллиқлар: 1,5 кг. балиқ гўшти, ярим бош пиёз, яримта лимон, ярим боғ шивит, зайтун ёғи, 1 ош қошиқ сметана, 1 чой қошиқ хантал, қизил пиёз ва кўкпиёз, туз, мурч.
Тайёрланиши: 1. Тозаланган балиқ гўштини яхшилаб ювиб, қоғоз сочиқча билан артинг-да, туз сепинг.
2. Пиёзни ярим ҳалқа шаклида тўғраб, майдаланган шивит билан аралаштиринг.
3. Пиёз ва шивитни балиқ ичига солинг. Балиқ гўшти устини пичоқ билан кесиб, лимон бўлакларини жойланг.
4. Энди балиқ гўштини зайтун ёғи солинган қолипга жойланг. Мурч сепинг. Сметана, туз ва хантални аралаштириб, балиқ гўшти устига суртинг. Қолипни зар қоғоз билан ёпиб, 180 даражада қиздирилган газ печига 20 дақиқага қўйинг. Белгиланган муддат ўтгач, зар қоғозни очиб, яна 15 дақиқа газ печbда қолдиринг. Дастурхона қизил пиёз ва кўкпиёз билан безатиб тортинг.
1 соат
4 кишилик
«Янги йил оқшоми»
Соат миллари 00:00га бонг урганда!
Зарур масаллиқлар: 1 килограммдан қўй қовурғаси ва картошка, 1 бош саримсоқпиёз, 2 ош қошиқ зайтун ёғи, розмарин, туз, мурч.
Тайёрланиши: 1. Қўй қовурғаси бўлакларига туз, мурч сепинг. Розмарин ва майдаланган саримосоқпиёзни ҳам аралаштириб, зайтун ёғини қўшинг-да, ярим соат маринадлаб қўйинг.
2. Картошкани катта бўлакларга бўлинг. Туз, мурч сепиб, эзилган саримсоқпиёз ва зайтун ёғи қўшинг.
3. Қалинроқ целлофан ичига қўй гўшти ва картошкани солинг. Целлофаннинг икки томонини яхшилаб боғлаб, 170-180 даражада қиздирилган газ печига 50 дақиқаларга қўйинг. Сўнгра целлофанни бироз жойини очиб, то гўшт усти яхшилаб қизаргунча қолдиринг.
2 соат
6 кишилик
10.12.2021, 10:32
Ҳар йили узоқ кутиладиган Янги йил айёмига саноқли кунлар қолди. Тошкентда эса байрам тантаналарини нишонлаш учун тайёргарлик ишлари аллақачон бошлаб юборилган. Энг баланд саналган юртимизнинг...
27.12.2019, 17:33
Инсонлар Янги йил байрамини одатда қорли совуқ об-ҳаво билан кутиб олишни хоҳлайдилар.Бироқ бошқа жанубий ўлкалар каби Ўзбекистон аҳолиси ҳам ҳар доим Янги йилни қор билан...
17.12.2019, 22:10
Қашқадарёдаги ташкилот, корхона ва муассасалар биноларини янги йил арафасида байрамона безалганлик даражасини аниқлаш мақсадида вилоят ҳокимлиги томонидан “Энг яхши янги йил манзараси” танловига старт берилди,...
26.11.2019, 17:14
Истиқлол кўчасидаги Алишер Навоий номидаги кутубхонада ёнида одатдагидан кўра эрта Тошкентнинг асосий янги йил арчаси ўрнатила бошланди.Даракчи.уз таҳририятига юборилган суратлардан кўриниб турибдики, Арчанинг каркаси ўрнатиб...
