Zarur masalliqlar: korj uchun: 185 gr. sariyog`, 1,25 stakan un, 0,75 stakan shakar, yarim stakan kokos qirinidisi, 2 osh qoshiq kakao; ichiga solishga: 400 ml. quyultirilgan sut, 100 gr. muzlatilgan olcha mevasi (murabbodagisini ishlatsa ham bo`ladi), 1,5 stakan kokos qirindisi; glazur uchun: 100 gr. qora shokolad, 40 gr. sariyog`.
Tayyorlanishi: 1. Un, kakao, shakar va kokos qirindisini aralashtiring. Sariyog`ni eritib qo`shing. To`rtburchak shakldagi qolipga pishiriq qog`ozini joylab, xamirni soling-da, qoshiq bilan tekislab chiqing. Korjni 180 darajada qizdirilgan gaz pechiga 15-20 daqiqaga qo`ying.
2. Quyultirilgan sutni kokos qirindisi bilan aralashtiring.
3. Korj pishgach, quyultirilgan sutli aralashmaga olcha mevalarini soling. Korj ustidan aralashmani quyib, yana 20 daqiqa gaz pechida qoldiring.
4. Sariyog` va qora shokoladni suv bug`ida eriting. Shirinilk ustidan shokoladli glazurni solamiz-da, muzlatkichga qo`yamiz. Glazur qotgach, shirinlikni 12 bo`lakka bo`lamiz.
1 soat
12 kishilik
