Bruneyning bo`lajak sultoni, shahzoda Abdulla Malik va 22 yoshli Raabiatul Adaviya Pengiran Hoji Bolkiaxning nikoh to`yi shu paytgacha bo`lgan barcha serhasham va dabdabali to`ylarni ortda qoldirdi, deb xabar berdi “Womoninred.ru” nashri.
Bruney shahzodasi va kelinning nikoh liboslariga haqiqiy oltindan ishlov berildi, kelinning qo`lidagi guldasta esa qimmatbaho toshlardan yasaldi.
Shahzoda Abdulla Malik mamlakatni boshqarayotgan sulton Hasanali Bolkiaxning to`rt o`g`lidan biri bo`lib, otasidan keyingi taxt vorisi hisoblanadi. To`y unashtiruv marosimidan 11 kun o`tgandan keyin nishonlandi.
Kelinning poyafzali Kristian Labutenga tegishli bo`lib, javohir va oltin bilan bezak berildi. Kelinning barcha taqinchoqlari va toji qimmatbaho toshlar, zumradlardan yasalgan.
Tantanali nikoh marosimi Bruney poytaxti Bandar-Seri-Begavandagi sulton saroyida bo`lib o`tdi. Istana Nurul Imam Palace deb ataluvchi sultonning qarorgohi 1788 xonadan iboratdir.
