​Amerikalik erkak tug`ilgan kunni nishonlayotgan odamlarga qarata o`q uzdi

Amerikaning San-Diego shahridagi uylardan birida basseyn atrofida tug`ilgan kunni nishonlayotgan odamlarga qarata noma`lum shaxs o`q uzdi, deb xabar berdi Russian.rt.com nashri.

Oqibatda bir kishi halok bo`ldi, etti kishi turli darajada tan jarohati oldi. San-Diego shahar polisiya boshlig`i shelli Zimmermanning xabar berishicha, tumanda otishma bo`layotgani haqida mahalliy vaqt bilan kechki soat 6 da xabar berilgan. Voqea joyiga etib kelgan polisiya ofiserlari odamlarga qarata o`q uzayotgan odamni ko`rgan. Jinoyatchi polisiyachilarni ham nishonga olgach, ular qurollangan shaxsni otib o`ldirishdi. Hozircha noma`lum erkakning nima uchun odamlarga qarata o`q uzgani noma`lum. Guvohlarning aytishicha, qurollangan jinoyatchi mast holatda bo`lgan, u o`q uzayotganda ham spirtli ichimlik ichishda davom etgan. Polisiyachilarning sa`y-harakatlari tufayli jinoyatchining shaxsi aniqlandi, u 1967 yilda tug`ilgan Piter Selis ekanligi ma`lum bo`ldi. Hodisa yuzasidan tergov ishlari davom etmoqda.

Witness took pic of shooting scene. Says this is the shooter police took out. Courtesy: Sunil Kuma. @CBS8 pic.twitter.com/FyXDfNHExj

— Dominic Garcia (@DomCBS8) 1 maya 2017 g.