Nikaragualik ruhoniy Xuan Gregorio Rocha Romero va yana uch kishi “ichiga kirib olgan shaytondan xalos etish ” maqsadida ayolni tiriklay yoqib yuborgani uchun 36 yillik qamoq jazosiga hukm etildi, deb xabar berdi Ria.ru nashri.
Fojia fevral oyida Kortesal qishlog`ida ro`y berdi. Ruhoniy boshchiligida bir guruh odamlar 25 yoshli ayolni o`g`irlab, tiriklay yoqib yuborishdi. Ayol topilganda uning tanasi 80 % yonib ketgan bo`lsa-da, tirik bo`lgan. Shifokorlarning sa`y-harakatlariga qaramay, uning hayotini saqlab qolishning iloji bo`lmadi.
Jinoyatda erkaklardan tashqari, yana bir ayol ham ishtirok etgan. U qotillarga sheriklik qilgani uchun 30 yilga ozodlikdan mahrum etildi. Qolgan jinoyatchilar ham 30 yildan ortiq qamoq jazosiga hukm eitldi.
