​Trampning yordamchisi tasodifan Pentagon rahbarining telefon raqamini oshkor etdi

Washington Post gazetasi tasodifan Pentagon rahbari Jeyms Mettisning shaxsiy telefon raqamini oshkor etdi, deb xabar berdi Tvzvezda.ru nashri.

Bu haqda jurnalistlarga o`quvchilardan biri xabar bergan. Nashr maqolaga ilova tariqasida AQSh prezidenti Donald Tramp va uning yordamchisi Kit Shillerning fotosuratini chop etdi. Kadrlardan birida Pentagon rahbarining ismi-sharifi va shaxsiy telefon raqami yozilgan qog`oz ham ko`rinib qoldi. Sinchkov mushtariy bu xatoni ko`rib qolib, tahririyatga qo`ng`iroq qildi, ammo jurnalistlar uning gaplarini jiddiy qabul qilmadi. Ular Prezident maxsus xizmati xodimlari bunday katta xatoga yo`l qo`yishiga ishonishmadi. Biroq, fotosurat diqqat bilan tomosha qilinganda, unda Pentagon rahbarining telefon raqami ko`rinib turardi.

“Men ushbu raqamga qo`ng`iroq qilib ko`rdim, haqiqatan ham mazkur telefon raqami Pentagon rahbariga tegishli ekan”, - deb ma`lumot berdi The Washington Post muxbirlaridan biri.