AQShning Kaliforniya shtatida yashovchi Gregori Allen Jastis maxfiy harbiy ma`lumotlarni Rossiyaga sotishga harakat qildi, deb xabar berdi Ntv.ru nashri.
U sud jarayonida aybini tan oldi. Gregori Allen Jastis AQSh mudofaa vazirligida muhandis bo`lib ishlagan. O`tgan yili 49 yoshli Gregori Rossiya razvedkasi xodimiga maxfiy ma`lumotlarini sotishga harakat qilgan. Aslida u Rossiya razvedkasi emas, balki FQB xodimi bo`lgan.
Jastis AQSh harbiy yo`ldoshlarining o`ziga xos texnik xususiyatlaridan yaxshi xabardor bo`lgan. Amerika qonunchiligiga binoan u 35 yilga ozodlikdan mahrum etilishi mumkin. Jastis sudda aybini to`liq tan oldi. U rafiqasi og`ir dardga chalingani tufayli mazkur ishga qo`l urishga majbur bo`lganini ma`lum qildi.
