Qo`shma Qirollikning mustaqil partiyasida terrorchilar uchun o`lim jazosini qo`llashni yana tiklash fikri bildirildi, deb xabar berdi Russian.rt.com nashri.
Bu haqda partiya a`zosi Jenis Etkinson ma`lum qildi.
“Biz ayni paytda urush holatida turibmiz, ammo harbiylarimiz jinoyat va terrorning ustidan g`alaba qozona olmayapti. Men siyosatchiman, mazkur muammoning echimini topish uchun faqatgina qarorlar qabul qila olaman. Vaziyatdan kelib chiqib, terrorchilik jinoyatlari uchun o`lim jazosi qo`llanishini e`lon qilishimiz lozim. Kasalni davolagandan ko`ra, uning oldini olgan ma`qul”, dedi u.
Jenis Etkinsonning so`zlariga qaraganda, fraksiya o`lim jazosini qayta qo`llash uchun referendum o`tkazishni ko`zda tutgan.
Eslatib o`tamiz, 22 may kuni, amerikalik xonanda Ariana Grandening Manchesterda berayotgan konsertida ro`y bergan portlash oqibatida 22 kishi halok bo`ldi, 120 nafarga yaqin odam yaralandi. Mazkur terakt javobgarligini “Islom davlati” terrorchilik guruhi o`z bo`yniga oldi.
