ESKI HISOBLAGIChNI QANAQASIGA ALMAShTIRISh KERAK?
Uyimdagi elektr energiya hisoblagichi eski (qora schyotchik). Hozir ayni paytda qanaqasiga almashtirish kerak?
Usmon Qodirov. Surxondaryo viloyati, Denov shahri
P.XIDIROV, “O`zbekenergo” AJ direktori o`rinbosari:
— O`zbekiston Respublikasi Vazirlar Mahkamasining 2013 yil 1 noyabrdagi 295-sonli qarori, 2009 yil 22 avgustdagi 245-sonli qarori bilan tasdiqlangan "Elektr energiyasidan foydalanish qoidalari" hamda Adliya vazirligida 2015 yil 1 dekabrda 2736-son bilan ro`yxatga olingan "Maishiy iste`molchilarning elektr energiyasini hisobga olish priborlarini qiyoslashdan o`tkazish tartibi to`g`risidagi Nizom" talablariga ko`ra, elektr energiyasi iste`molini hisobga olish uchun hozirgi vaqtda inson omilining ta`sirini mumkin qadar kamaytirgan holda axborotlardan ruxsatsiz foydalanilishidan kompleks himoya bilan ta`minlangan zamonaviy elektron hisobga olish priborlari o`rnatilishi kerak.
Shu bilan birgalikda, yuqorida nomi qayd etilgan hoidalarning tegishliligicha 4-bandida iste`molchi tomonidan foydalanilgan elektr energiyasini hisobga olish uchun "O`zstandart" agentligi yoki uning o`lchov vositasi turini tasdiqlash to`g`risida O`zbekiston Respublikasining sertifikatiga ega bo`lgan hududiy bo`linmalari tomonidan ro`yxatdan o`tkazilgan elektr energiyasini hisobga olish va nazorat qilishning avtomatlashtirilgan tizimi bilan birga ishlay oladigan elektron hisobga olish priborlari qo`llanilishi belgilangan.
