-2001 yili yaxshi niyatlar bilan qizimni turmushga berdim. Qudalarning «To`ydan so`ng «ZAGS»dan o`tishadi» deganiga ishonib, bu masalada jiddiy turmadim. Oqibatda esa... Xullas, qizimning turmushi bo`lmadi. Egizak farzandlari dunyoga kelgach, tug`ruqxonadan to`g`ri uyga olib keldik. Nabiralarimning biri tug`ma nogiron. Doimiy parvarishga muhtoj. Harna yordam bo`lar deb, alimentga bergandik. Ammo kuyov tomon alimentni bekor qilish uchun qarshi ariza beribdi. Shunday qilinishi mumkinmi? Qonuniy nikoh yo`qligi bois nahot farzandlarini tan olmasa?
-Aliment masalasini hal etish bilan bir vaqtda kuyovingizga nisbatan otalikni belgilash haqidagi da`vo talabi bilan sudga murojaat etsangiz, maqsadga muvofiq bo`ladi. Aliment undiruvi belgilangach, qarzdor farzandlari voyaga etguniga qadar ularning moddiy ta`minoti uchun mas`ul hisoblanadi.
Ismi sir tutiladi
Manba: «Sug'diyona» gazetasi
