Sochlaringiz sog`lom ko`rinishga ega bo`lishi uchun vaqti-vaqti bilan oziqlantiruvchi niqoblarga murojaat etib tursangiz, foydadan xoli bo`lmaydi. Ana shunday niqoblardan biri 2 dona tuxum va 1 osh qoshiq zaytun yog`i aralashmasidan tayyorlanadi. Mazkur aralashmani soch ildizidan boshlab uchiga qarata bir tekisda surting va sellofan paket bilan 20 daqiqaga o`rang. So`ng iliq suvda sochni chayib, tabiiy holicha qurishiga qoldirishingiz lozim.
Manba: «SUG‘DIYONA» gazetasi.
