O`zbekiston terma jamoasi sobiq yarim himoyachisi Ilyos Zeytullaev Italiya chempionati, quyi liga vakili "Virtus Lanchiano" bilan shartnoma muddati tugagach, erkin agent sifatida "Torino" bilan shartnoma imzoladi. Ammo bu klub tarkibida maydonga tushishi so`roq ostida bo`lib turibdi.
Gap shundaki, Italiya A seriyasi reglamentiga ko`ra, bir klub xorijdan Evropa Ittifoqi fuqaroligiga ega bo`lmagan futbolchini Italiyaga olib kirish uchun, avvalo xuddi shunday holatda bo`lgan boshqa futbolchini xorijga chiqarishi lozim bo`ladi. Zonalocale.it nashri
tomonidan xabar qilinishicha, "Torino" aynan shu narsani amalga oshirishni mo`ljallamoqda. Turinliklarning asosiy transfer maqsadi chernogoriyalik Marko Vesovich bo`lib, klub bu futbolchi bilan shartnoma imzolashi uchun avvalo EI fuqaroligiga ega bo`lmagan boshqa bir futbolchini xorijga chiqarib yuborishi lozim bo`ladi. Ilyos Zeytullaev ham Portugaliyaning "Beyra Mar" yo Xorvatiyaning "Rieka" jamoasiga sotib yoki ijaraga berib yuborilishi kutilmoqda.
"Torino" faqat Marko Vesovichni Italiya A seriyasiga olib kirish uchungina Ilyos Zeytullaev
bilan shartnoma imzolagan va uni darhol xorij klublaridan biriga berib yuborishni ko`zlamoqda. Shu tariqa EI pasportiga ega bo`lmagan Marko Vesovichga A seriyada
o`ynash uchun yo`l ochiladi.
2007 yilda "Fiorentino" klubi tomonidan ham xuddi shunday amaliyot qo`llangan edi.
Klub nigeriyalik himoyachi Genri Okorojini sotib olgan va darhol Bolgariya chempionatida ishtirok etadigan jamoalardan biriga sotib yuborgan edi.
PS: Hozircha bu Italiya matbuoti tomonidan olg`a surilayotgan faraz holos va hali aniq ma`lumotlar yo`q. Aniq ma`lumot shuki - Ilyos Zeytullaev "Torino" bilan shartnoma imzolagan. Klubda qolish yoki qolmasligi borasida yaqin vaqtlar ichida xabar chiqishi kutilmoqda.
Manba:uff.uz
