Muz
Terini taranglashtiradi. Har ikki kunda bir muz bo`lakchasini yupqa matoga o`rab, yuz, bo`yin teringizni u bilan uqalang. Shunda qon aylanishi yaxshilanib, erta ajin tushishining oldi olinadi. Muz bo`lakchalarini moychechak damlamasidan tayyorlashingiz mumkin.
Choy
Yoshartiruvchi xususiyatga ega ichimlik. Terini tekis qilib, sog`lomlashtiradi. Choynak tagida qolgan choy shamasini ezib, ko`pirtirilgan tuxum oqiga qo`shing. Yuzingizga surtib, 10 daqiqadan so`ng yuving.
Tuz
Tuz terini yumshatuvchi eng yaxshi vosita hisoblanadi. Yarim stakan mayda tuzni qaynoq suvga qo`shing. Oyoqlaringizni aralashmaga solib o`tiring. So`ngra issiq suv bilan yuving. Yirik tuz esa oyoq kafti va tovonning qavarishida foydali. Nam mato yoki gubkani tuzga botirib olib, tovon va oyoq kaftini uqalash mumkin. So`ngra parvarishlovchi krem surting.
Xamirturush
Husnubuzar paydo bo`lishining oldini oladi, yallig`langan teri uchun foydali. 1 choy qoshiq xamirturushni 2 osh qoshiq qaynoq sut bilan aralashtiring. Biroz sovigach, yuzingizga surting. 10 daqiqadan so`ng iliq suv bilan yuving.
Qoshiq
Salqigan ko`z ostini ayni shu vosita bilan parvarishlash mumkin. 2 ta qoshiqni muzxonaga qo`ying. Biroz vaqtdan so`ng olib, ko`z ostiga bosing. Muzlatilgan qoshiq bilan yuzni uqalash ham ajinlarga qarshi eng yaxshi kurashish yo`llaridan biri.
Tish yuvish pastasi
Husnbuzar ustiga tish yuvish pastasidan surtib qo`ysangiz, ulardan tezda xalos bo`lasiz.
Manba: “SUG‘DIYONA” gazetasi
