O‘zbekistonlik grossmeyster Javohir Sindorov Nomzodlar turnirida navbatdagi g‘alabani qo‘lga kiritib, peshqadamlikni davom ettirmoqda.
Ushbu turda u dunyoning eng kuchli shaxmatchilaridan biri sanalgan Wey I ustidan ishonchli g‘alabaga erishdi.
6 ta partiyadan 5,5 ochko jam‘g‘argan Sindorov turnir jadvalida yakka yetakchilikni saqlab turibdi.
Ma’lumot uchun, musobaqa jami 14 turdan iborat bo‘lib, 15 aprelgacha davom etadi.
Qayd etilishicha, Sindorov 2025 yilgi Jahon kubogi finalida ham aynan Wey I ustidan tay-breykda g‘alaba qozonib, bosh sovrinni qo‘lga kiritgan edi.
Eslatib o‘tamiz, Javohir Sindorov jahon shaxmat toji uchun kurashish imkoniyini beruvchi ushbu nufuzli turnirda ishtirok etayotgan ilk o‘zbekistonlik shaxmatchi hisoblanadi. U musobaqani rossiyalik Andrey Yesipenkoni mag‘lub etish bilan boshlagan.
