​ZIYoFATGA BORASIZMI? ETIKET QOIDALARI BILAN TANIShING!

• Ziyofatga taklifnomada ko`rsatilgan vaqtda etib borish lozim. Uzrli sabablar bo`lsa, 3-5 daqiqaga kechikish mumkin.
• Sho`rvani qoshiqning uchiga yaqin chekkasidan xo`rillatmay, puflamay ichish tavsiya etiladi.
• Ovqatni biroz engashgan holda eng, yotib emas.
• Qo`shningiz likopchasi ustidan qo`l uzatib narsa olmang.
• Nonni qo`l bilan oling va tishlab emas, kichik-kichik burdalab eng.
• Istasangiz, saryog`ni kichik non bo`lagiga surtib eng. Ammo katta bo`lak nonni olib, uni tishlab emaslik lozim. Sho`rvaga ham non burdalab solmang.
• Pichoq yordamida og`zingizga hech narsa solmang.
• Oldingizdagi anjom va idishlarni yig`mang, ularni ofisiant olsin.
• Suyak yoki meva urug`ini (danagini) og`izdan sanchqi yoki qoshiqcha yordamida ohista olib, likopchaga qo`ying, barmoqlaringiz bilan emas.
• Yoningizda o`tirgan insondan u yoki bu narsani uzating, deb so`ramang, bu ishni ofisiant bajarishi lozim.
• Tish tozalagichdan hammaning oldida foydalanmang.
• Ovqatning shirin yoki bemaza, sho`r yoki achchiqligi haqida gapirmang.
• Yoningizdagi ikki qo`shningiz bilan, eshitish imkoni bo`lsa, qarshingizda o`tirgan mehmon bilan ham suhbatlashishingiz mumkin.

Qoshiq yoki sanchqini kosa ichiga emas, likopcha ustiga qo`yish lozim