Quyidagi mashqlarni ko`rsatilgan ketma-ketlikda bajarish ruhiy muvozanatingizni tiklab olishga ko`mak beradi. Har bir mashq 5 daqiqadan davom etadi.
- Mashq gilamchasiga yoting. Kurak oraqasiga bolish qo`ying. Qo`llarni yonga tashlab, ko`zlarni yuming. Engil nafas olib, xayolan tanangizdagi g`uborni chiqarib tashlayotganingizni tasavvur qiling.
- Tizza bilan o`tiring. Bolishni quchoqlagan holatda boshni yon tarafga qarating. 10 marta engil nafas mashqini bajaring.
- Navbatdagi mashq uchun bolish kerak bo`lmaydi. Tizzaga o`tirib, qo`llaringiz bilan yon tarafga cho`ziling. harakatingiz oxista bo`lsin.
- Suratdagi kabi ko`rinishga keling. Boshni pastga egib, tanangizni bo`sh qo`ying.
- Tizzaga o`tirgan holatda, qo`llar bilan muvozanatni ushlang. Nafas olganda bo`yinni pastga eging. O`pkani bo`shatganda esa boshni yuqoriga ko`tarasiz.
- Bu mashqni bajarish xiyol qiyinroq kechadi. Tizzaga tayangancha bel va ko`krak qismini suratdagidek avval o`ngga so`ng chapga harakatlantirasiz. Asosiysi, o`zingizni zo`riqtirmang. Og`irlik darajasini shunday ushlangki, oldinga og`ib ham ketmang, ortga tisarilmang ham.
- Oyoqlarni bir-biriga chalishtirib, qo`llarni yuqori ko`taring. Nafas olish va o`pkani bo`shatish mashqini bajaring.
- Oyoqlar chalishtirilgan holatda. Qo`llar yuqoriga ko`tarib, birlashtirilgaan. Gavda muvozanatini nazorat qilib, qo`llarni old tomonga cho`zing.
- O`tirgan holatda birlashtirilgan qo`llarni orqa tomonga oling. Kurakni tekis ushlagancha umurtqani harakatga keltiring.
- O`ng qo`l belda, chap qo`l orqa tarafdan o`tkazilgan. Shu holatda yon tarafga belingizni engashtiring. So`ng qo`llar joylashuvini almashtirib, ikkinchi yon tarafga egilasiz.
- Bolishni bo`ksa qismiga joylashtiring. Qo`l va oyoqlarga zo`riqish tushmasin. Ko`zlarni yumib, engil nafas oling.
- Va so`nggi mashq. Bolishni tizzaning orqa qismiga qo`yib, oyoq mushaklarini bo`shashtiring. Qo`llarni yon tararfga erkin holatda tashlang. Ko`zlarni yumib, tanangizning quvvat manbai to`lib borayotganini tasavvur qiling.
