Ovsinlar bir-biri bilan kelisholmay kunda janjal bo`ladigan xonadon yo`q, degan gap afsuski, haqiqat emas! Qaniydi shunday bo`lsa!.. Ikki kelin bir-biri bilan kelisholmaganidan dili xufton bo`lgan ota-onalar, bir-biri bilan yuzko`rmas bo`lib ketayotgan aka-ukalar… bular faqatgina seriallarda uchrasa qaniydi… Siz bunday noxushliklarga sababchi bo`lmang.
- Bitta qo`g`irchoqni talashib qolgan farzandlarining orasiga tushib janjal boshlab qoladiganlardan bo`lmang.
- «Nega ovsinimda bor, menda yo`q» deb juftingizning ko`nglini qoldirmang. Buning otini hasad deydilar.
- Qaynota-qaynonangiz, oila a`zolaringiz oldidagi burchlaringizni bajaravering, ovsiningiz qilmayotgan bo`lsa, siz ham qilmasligingiz kerak, degani emas. Unutmang, har kim ekkanini o`radi.
Manba: «SUG‘DIYONA» gazetasi.
