Seulda zargarlik mahsulotlari ishlab chiqarish bo`yicha o`zbek-koreys qo`shma korxonasini tashkil etish to`g`risidagi bitim imzolandi.
«FONON» ilmiy-ishlab chiqarish davlat korxonasi va Janubiy Koreyaning Hwachon Plant — Gemco kompaniyasi Toshkentda zargarlik mahsulotlarini ishlab chiqarish bo`yicha qo`shma korxonani tashkil etish to`g`risidagi bitimni imzoladi.
Seulda hujjat ostiga «FONON» bosh direktori Muxsin Ashurov va Hwachon Plant — Gemco ijrochi direktori Chol Shik Shin imzo qo`ydi. Marosim O`zbekiston Prezidenti Shavkat Mirziyoevning Koreya Respublikasiga davlat tashrifi arafasida bo`lib o`tdi.
Teng sherikchilik asosida tashkil etilayotgan QK nizom jamg`armasi 30 mln dollarni tashkil etadi.
