Jizzax shahridagi to`rt yulduzli “GRAND HOTEL UZBEKISTAN” mehmonxonasi mukammal ta`mirlanib, foydalanishga topshirildi.
Bu haqda viloyat hokimligi xabar bermoqda.
Butunlay bo`shab qolgan inshootni ta`mirlash, zamonaviy mehmonxona barpo etishda “GRAND TOVER” mas`uliyati cheklangan jamiyati o`z mablag`i va "Asakabank”ning viloyat filialidan olingan 33 milliard so`mlik imtiyozli kreditdan foydalandi. Inshootda “Agrostandartplyus” mas`uliyati cheklangan jamiyati quruvchilari tomonidan 40 milliard so`mlik ta`mirlash va jihozlash ishlari bajarildi.
180 o`rinli mehmonxonadagi shinam, biri-birini takrorlamaydigan dizaynga ega, zamonaviy mebellar bilan jihozlangan 4 apartament, 108 lyuks va 24 oddiy xonada mehmonlar yashashi va dam olishi uchun barcha qulaylik yaratilgan. Restoran, kafe, bar, internet klub, kutubxona, 80 o`rinli konferens-zal xalqaro andozalarga muvofiq jihozlangan.
Mehmonxona ochilishiga bag`ishlangan tadbirda Jizzax viloyati hokimi vazifasini bajaruvchi E.Soliev so`zga chiqdi.
