2017 yil 21 dekabr kuni O`zbekiston Respublikasi Oliy Majlisi Senatining o`n uchinchi yalpi majlisi o`z ishini davom ettirmoqda. Unda senatorlar, vazirlik va idoralar rahbarlari, boshqa idoralar hamda ommaviy axborot vositalari vakillari ishtirok etmoqda.
Majlis kun tartibiga 26 masala kiritilgan bo`lib, uning 15 tasi qonun, qolgani boshqa masalalardir.
Yalpi majlisning birinchi kunida 17 masala ko`rib chiqildi. Bular - O`zbekiston Respublikasining 2018 yilgi Davlat byudjeti, davlat maqsadli jamg`armalarining byudjetlari hamda soliq va byudjet siyosatining asosiy yo`nalishlari to`g`risidagi hamda kun tartibiga kiritilgan 15 qonun ko`rib chiqildi. Ko`rib chiqilgan qonunlar senatorlar tomonidan ma`qullandi va tegishli qarorlar qabul qilindi.
Senat raisi N.Yo`ldoshev boshqarayotgan yalpi majlisning ikkinchi kunida qolgan masalalar ko`rib chiqilmoqda.
Ayni vaqtda 2018 yilda fermer xo`jaliklarini bosqichma-bosqich ko`p tarmoqli fermer xo`jaliklariga aylantirish bo`yicha dastur to`g`risidagi masala muhokama qilinmoqda.
