Zarur masalliqlar: 170 gr. un, 150 grammdan quyiltirilgan sut va sariyog`, 90 gr. shakar, 3 dona tuxum, 1,5 osh qoshiq kakao, yarim choy qoshiq xamiryumshatgich, bir chimdim vanilin.
Tayyorlanishi: 1. Xona haroratida yumshatligan sariyog`ni shakar bilan ko`pirtiring.
2. Tuxumni bittadan qo`shib, ko`pirtirishda davom etamiz.
3. Quyiltirilgan sutni ham sariyog`li aralashmaga solgach, bir ko`pirtirib olib, un, vanilin va xamiryumshatgichni qo`shamiz.
4. Krem quyuqligida xamirni teng ikkiga ajrating. Biriga kakao, ikkinchisiga 1 osh qoshiq un solish kerak.
5. Pirog qolipiga pishiriq qog`ozini joylab, ustidan avval oddiy xamirni, keyin kakaolisini va yana oddiy xamirni soling. Yuzasini tekislang-da, 180 darajada qizdirilgan gaz pechida 30 daqiqaga qo`ying. Istakka ko`ra pirogni eritilgan shokolad va qand upasi bilan bezatish mumkin.
8 kishilik
1 soat