Joriy yilning 14 mart kuni Toshkentda “O`zbekiston va Evropa Ittifoqi o`rtasidagi hamkorlik: kelajakka nazar” mavzuidagi davra suhbati tashkil etiladi.
Tadbirni o`tkazishdan ko`zlangan asosiy maqsad, Evropa Ittifoqining Markaziy Osiyo davlatlari bilan hamkorligi yangi Strategiyasining ishlab chiqilishi doirasida O`zbekiston va Evropa Ittifoqi o`rtasidagi hamkorlikning istiqbollari va ustuvor yo`nalishlarini muhokama qilishdan iborat.
Ushbu tadbir O`zbekiston Respublikasi Prezidenti huzuridagi strategik va mintaqalararo tadqiqotlar Instituti, Evropa Ittifoqi delegasiyasi va Fridrix Ebert nomidagi fondning O`zbekistondagi vakolatxonasi hamkorligida tashkil etilmoqda.
Davra suhbati doirasida ishtirokchilar ochiq muloqot va munozalar tarzida O`zbekistonning Evropa Ittifoqi muhim institutlari bilan o`zaro manfaatli va ko`p qirrali hamkorligini yanada mustahkamlashga qaratilgan yangi g`oyalar va takliflarni muhokama qilishadi.