Rossiya Federasiyasi tashqi ishlar vaziri Sergey Lavrov boshchiligidagi ushbu mamlakat delegasiyasi «Tinchlik jarayoni, xavfsizlik sohasida hamkorlik va mintaqaviy sheriklik» mavzuida Afg`oniston bo`yicha yuqori darajadagi Toshkent xalqaro konferensiyasida ishtirok etish uchun mamlakatimizga keldi. Bu haqda O`zbekiston Milliy axborot agentligi xabar bermoqda.
Islom Karimov nomidagi Toshkent xalqaro aeroportida Rossiya delegasiyasini O`zbekiston Respublikasining rasmiy shaxslari kutib oldi.
O`zbekiston Prezidenti Shavkat Mirziyoev tashabbusi bilan o`tkazilayotgan Afg`oniston bo`yicha yuqori darajadagi Toshkent xalqaro konferensiyasining asosiy tadbirlari 27 martga mo`ljallangan.
