2018 yil 29-30 mart kunlari bo`lib o`tgan Oliy Majlis Senatining o`n to`rtinchi yalpi majlisida quyidagi qonunlar ma`qullandi:
— Davlat mukofotlari to`g`risida (yangi tahriri);
— Jamoatchilik nazorati to`g`risida;
— Davlat xaridlari to`g`risida;
— O`zbekiston Respublikasi Davlat xavfsizlik xizmati to`g`risida;
— O`rmon to`g`risida (yangi tahriri);
— O`zbekiston Respublikasi uy-joy-kommunal xizmati sohasi xodimlari kunini belgilash to`g`risida;
— Sud-tergov faoliyatida fuqarolarning huquq va erkinliklari kafolatlarini kuchaytirish bo`yicha chora-tadbirlar qabul qilinganligi munosabati bilan O`zbekiston Respublikasining ayrim qonun hujjatlariga o`zgartish va qo`shimchalar kiritish to`g`risida;
— O`zbekiston Respublikasining ayrim qonun hujjatlariga o`zgartish va qo`shimchalar kiritish to`g`risida.
Ma`qullangan qonunlar Prezident tomonidan imzolanib, belgilangan tartibda e`lon qilingach rasmiy kuchga ega bo`ladi.
Bundan tashqari To`y-hashamlar, oilaviy tantanalar, ma`raka va marosimlar, marhumlarning xotirasiga bag`ishlangan tadbirlar o`tkazilishini tartibga solish to`g`risidagi Senat qarori qabul qilindi.
Shuningdek, O`zbekiston Respublikasi adliya vaziri 2017 yilda huquqiy targ`ibot va ma`rifatning holati haqidagi axborotini taqdim etdi, deb xabar bermoqda vazirlik matbuot xizmati.
Ma`qullangan va qabul qilingan hujjatlar haqida qo`shimcha ma`lumot taqdim etiladi.
