“Barselona” klubi hujumchisi Lionel Messi Ispaniyaga qarashli Ibisa orolidan mehmonxona sotib oldi, deb yozadi O`FF.
Argentinalik futbolchi Ibisa orolining Figueretas sohilida joylashgan Hotel Es Vive’ni xarid qilish uchun 29,5 million evro mablag` sarflagan.
Mehmonxona 52 xonali bo`lib, barcha qulayliklarga ega lyuks hovuzi ham bor. 4 yulduzli mehmonxonaning oddiy xonasida yashash kuniga 226 evroga tushadi. Bundan tashqari mehmonxonaning lyuks xonalarda yashash uchun 600 evro to`lashingiz kerak.
Qiziqarlisi, Messining oroldagi mehmonxonaga egalik qilishni boshlashi “Real” futbolchisi Krishtianu Ronalduning qaroridan qaytardi.
Chunki Ronaldu ham Ibisadan mehmonxona sotib olishni rejalashtirib yurgandi. Portugaliyalik hujumchi o`z vatanidagi Lissabon va Madeyrada joylashgan ikkita mehmonxona xo`jayini hisoblanadi.
Aytishlaricha, Messi yana mehmonxona sotib olishda davom etadi. Leo bu borada endi Madrid, Nyu-York va Marokashda ham tadbirkorligini yo`lga qo`ymoqchi.
