Braziliyada davom etayotgan futbol bo`yicha jahon chempionati ishtirokchilari 3-tur uchrashuvlarini o`tkazishmoqda.
Jahon chempionatida Evropa mamlakatlari soni tobora kamayib bormoqda. Kecha ushbu qit`a vakili Italiya musobaqani tark etdi. Ular uchinchi turda Urugvay terma jamoasiga imkoniyatni bosh berishdi – 0:1.
Shu guruhning ikkinchi uchrashuvi Angliya hamda Kosta-Rika terma jamoalari o`rtasidagi uchrashuv bo`ldi. Ushbu uchrashuvda hisob ochilmadi – 0:0.
“S” guruhida ham pley-offga yo`l olgan jamoalar nomi ma`lum bo`ldi. Kolumbiya-Yaponiya uchrashuvida 4:1 hisobi qayd etildi va endi Kolumbiya nimchorak finalda Urugvay bilan bahs olib boradi.
Kot-d'Ivuar terma jamoasini 2:1 hisobida mag`lubiyatga uchratgan Gresiya esa Kosta-Rika bilan chorak finalga chiqish uchun bellashadi.
Bugun Toshkent vaqti bilan 21:00 da Nigeriya-Argentina, Bosniya-Eron, 01:00 da Gonduras-Shveysariya hamda Ekvador-Fransiya terma jamoalari uchrashuvlari bo`lib o`tadi.