“Odnoklassniki” ijtimoiy tarmog`i ok.ru manziliga o`tdi. Bu haqda Lenta.ru nashriga ijtimoiy tarmoq matbuot kotibi Ilya Grabovskiy ma`lum qildi.
ok.ru manzili “Odnoklassini”ning asosiy manzili bo`ladi. Shu bilan birga, odnoklassniki.ru manzili ham ishlashda davom etadi. OK yangi manzili ijtimoiy tarmoqning rasmiy brendi bo`ladi.
“Endi “Odnoklassniki” bu – “OK”. Biz bu qisqa va tushunarli manzilni ancha oldin ishlatishni boshlaganmiz. Endi “OK”ni rasman taqdim etamiz”,-deyiladi kompaniya xabarida.
Ijtimoiy tarmoqning bosh sahifasi ko`rinishi ham o`zgartirilgan.
“Odnoklassniki” ijtimoiy tarmog`i Mail.ru Group loyihasi bo`lib, tarmoqqa kuniga 42 million foydalanuvchi tashrif buyuradi.