Bugun, 19 oktyabr kuni Shavkat Mirziyoev va Vladimir Putin "O`zekspomarkaz"da o`tkazilayotgan "O`zbekiston-Rossiya" hududlararo hamkorlik forumida ishtirok etishdi.
Prezidentlar mazkur yirik forum mamlakatlarimiz o`rtasidagi hamkorlik rivojida yangi bosqich bo`lishini ta`kidlashdi.
Tantanali marosim tadqiqot ishlari olib borilayotgan maydonlardan biri va Toshkent o`rtasida o`rnatilgan tele ko`prik orqali bo`lib o`tdi. Tadbir yakunida Prezidentlar O`zbekiston tarixidagi ilk atom elektr stansiyasi qurilishini boshlanishini anglatuvchi ramziy tugmani bosishdi.
Mazkur AES mamlakatimizda elektr energiyasi ta`minotini yanada yaxshilashda muhim ahamiyat kasb etadi.