Joriy yilning 28 oktyabr va 9 noyabr kunlari nafaqat olmaliqliklar, balki Toshkent viloyati aholisi, ayniqsa, futbol muxlislari uchun yodda qoladigan bo`ldi.
Boisi, aynan 28 oktyabr kuni Olmaliq shahrining AGMK futbol jamoasi o`z tarixida birinchi bor O`zbekiston kubogini qo`lga kiritdi. Yodingizda bo`lsa, o`sha kuni Farg`onaning “Istiqlol“ stadionida poytaxtning “Paxtakor“ jamoasi bilan kechgan final bahsida AGMK jamoasi 3:1 hisobida zafar quchib, O`zbekiston kubogiga ega chiqqan edi.
Bungacha olmaliqliklar kubok bahslari doirasidagi 1/16 final bosqichida Haqqulobodning “Norin” jamoasini 1:0, 1/8 finalida Qarshining “Nasaf” jamoasini 2:1, yarim final bahsida esa “Bunyodkor”ni 2:1 hisobida mag`lub etgan edi. Shunday qilib, 28 oktyabr olmaliqliklar uchun tarixiy sanaga aylandi.
Ushbu sana bilan bir qatorda 9 noyabr ham unutilmas sanaga aylanishi, shubhasiz. Chunki aynan shu kuni AGMK futbol jamoasini tantanali taqdirlash marosimi tashkil etilib, jamoaning tarixiy g`alabasi shahar bo`ylab keng miqyosda nishonlandi.
Tantanali tadbirda futbol mutaxassislari, viloyat va shahar faollari tomonidan mamlakatimizda sportga, xususan, millionlar o`yini hisoblanmish futbolni rivojlantirishga alohida e`tibor qaratilayotgani, pirovardida mazkur sport turida sezilarli rivojlanish kuzatilayotgani ta`kidlandi.
Tarixiy natija qayd etgani uchun AGMK jamoasi a`zolari va rahbariyat xodimlariga avtomobillar topshirildi. Jamoa g`alabasini nishonlashga kelgan ashaddiy muxlislar uchun 500 kilogrammlik osh damlanib, mehmonlarga tarqatildi. Shuningdek, shahar bo`ylab turli ko`ngilochar tadbirlar va konsert dasturlari namoyish etildi.
Bayramona tadbirlar O`zbekiston chempionatining 30-turidan o`rin olgan AGMK – “Qo`qon-1912“ jamoalari uchrashuviga ulanib ketdi, deb yozmoqda O`zA.
25.04.2024, 07:33
Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...