Abdulla Oripovning “Jannatga yo`l” asari 1978 yilda yozilgan. Muqimiy nomidagi O`zbekiston davlat musiqali teatrida Qashqadaryo viloyati musiqali drama teatri jamoasi shoirning shu asari asosida sahnalashtirilgan spektaklni namoyish etdi.
Unda bosh rollarni Shuhrat Rizvonov, Sherzod Mahmashukurov, O`zbekiston Respublikasida xizmat ko`rsatgan artistlar Oygul Xalilova va Ra`no Mustafoevalar ijro etdi.
– Spektaklda taraqqiyot kushandasi – poraxo`rlikka qarshi kurash g`oyasi ilgari suriladi, – deydi Qashqadaryo viloyati musiqali drama teatri bosh rejissyori Isoh To`raev. – Bu kabi spektakllarning yaratilishi yoshlarimizni vatanimiz tarixi, bugungi islohotlar shukuhi bilan tanishtirish asnosida, dorulamon kunlarning qadriga etishga undaydi.