Janubiy Afrika futbol bo`yicha terma jamoasi darvozaboni va sardori Senzo Meyiva bosqinchilardan do`stini himoya qilaman deb halok bo`lgan. 27 yoshli Meyiva noma`lum shaxslar tomonidan Yoxannesburgdan uzoq bo`lmagan joyda otib ketilgan. Sportchini kasalxonaga etkazishgan, biroq u hayotdan ko`z yumgan.
Fojea futbolchining do`sti aktrisa va qo`shiqchi Kelli Kxumaloning uyida sodir bo`lgan. "Ikki erkak uyga bostirib kiradi va mobil telefonlarni, pul va boshqa qimmatbaho narsalarni so`raydi. Senzo bosqinchilardan biri qurol o`qtalgan Kellini himoya qilishga uringan”, deydi polisiya vakili.
Bosqinchilar uch kishi bo`lgan, ikki nafari uyga kirgan va biri ko`chada kutib turgan.
JAR huquq-tartibot idoralari qotillarni topishda yordam ko`rsatgan uchun mukofot e`lon qilgan. Mukofot miqdori taxminan 13 ming dolllarni tashkil etadi.