Germaniyaning Dyusseldorf shahridagi ko`rgazmalar zalida "O`zbekiston kunlari" ma`rifiy tadbiri ochildi.Bu haqda O`zA xabar bermoqda.
Tadbir doirasida badiiy ko`rgazma ham tashkil etildi. Unda O`zbekiston Badiiy ijodkorlar uyushmasi a`zolari Sanjar Jabborov, Nuriddin Rasulov, Diyor Roziqov, Nigora Sharifxo`jaeva asarlari namoyish etilmoqda. Bu o`zbek musavvirlari 2018 yilning yoz oylarida Germaniyaning Duysburg shahrida bo`lib o`tgan yirik ko`rgazmada ham ishtirok etgan edi.
Tasviriy san`at sohasida ikki mamlakat ijodkorlarining hamkorligi tobora faollashmoqda. Dyusseldorfdagi O`zbekiston kunlari doirasida tashkil etilgan ko`rgazmada 2018 yilning dekabr oyida Toshkentda o`tkazilgan ko`rgazmada ishtirok etgan nemis ijodkorlarining ishlari ham taqdim etildi.
Bu erda tashrif buyurgan ishtirokchilar, shu jumladan, germaniyaliklar yurtimiz san`ati bilan yaqindan tanishmoqda. Ko`rgazma 18 yanvarga qadar davom etadi.