Uyimni, oilamni sog`inaman. O`g`limni oldida o`zimni aybdor xis qilaveraman. Chunki, ko`p vaqtim ko`chada, ishda o`tadi. Asalni ham ozi shirin deyishadi, biroz o`tirib, ko`ngil olib, onamning, o`g`limning yoniga tezroq borsam deyman. Nozik kasb egalarimiz, esa-emasa bo`rining og`zi qon degan gaplar bekorga aytilmagan. Shuning uchun bunday davralarda turli gap-so`zlar oralamasin, odamlar darrov yomon xayollarga bormasin, deb sezdirmaygina g`oyib bo`laman...Lekin o`zimizning teatrdagilar yig`ilgan davralarda o`zimni bemalol tutaman.
— Dilnoza, balki shaxsiy hayotga jiddiy e`tibor berish vaqti kelgandir. Yana turmushga chiqarsiz?
— Meni borimcha qabul qiladigan, ekrandagi Dilnoza Kubaevani emas, sahna ortidagi oddiy Dilnozani sevadigan, bor nuqsonlarim, kamchiliklarim bilan yaxshi ko`radigan, muammolarimni tushunadigan, maslahatdosh, suyanch bo`la oladigan inson bo`lsa albatta turmushga chiqardim...
Aktrisa Dilnoza Kubaevaning o`zi, oilasi, farzandi, keyingi hayoti haqidagi batafsil ma`lumotlarni gazetamizning 42-sonida batafsil o`qishingiz mumkin.
Obnua indeksi: 424
