Myanma rasmiylari Rakxayn shtatida istiqomat qiluvchi bir milliondan ortiq kishini internetga kirishdan mahrum qildi. Bu mintaqada asosan musulmonlardan iborat rohinja etnik guruhi istiqomat qiladi. Uzoq yillardan beri ular hukumat qo`shinlari bilan kurashib keladi.
Ta`qiblar tufayli so`nggi ikki yilda Rakxayn shtatidan qo`shni Bangladeshga 750 mingdan ortiq rohinja qochib o`tdi. BMT bu ta`qiblarni genosid deb atadi.
Rakxayn shtatida internetning blokirovkasi kamida 21 iyundan beri davom etmoqda. Mintaqa aholisi o`zlarining erkin axborot olish huquqlari buzilayotganini aytishadi. Ammo Myanma aloqa vazirligi qachon bloklash bekor qilinishini aytmayapti. Muassasa, bu hodisa “mintaqada tinchlik va tartib o`rnatilganidan keyin” yuz berishi borasida bayonot bermoqda.
OAVning ta`kidlashicha, Rakxaynda internetga kirishdagi cheklovlar borasidagi qarorni hukumat rahbari, tinchlik bo`yicha Nobel mukofoti sohibi Aun San Su Chji qabul qilgan. BMTning bayonot berishicha, musulmon rohinjalar uchun internetning blokirovkasi mintaqada “inson huquqlarining qo`pol buzilishi”ni anglatadi.
