Bugun, 1 iyuldan 50 va 100 so`mlik banknotlar o`z kuchini yo`qotadi

Avval xabar berganimizdek, eski namunadagi 50 va 100 so`mlik tangalarini, shuningdek, 50, 100, 200 va 500 so`mlik banknotlarini ayirboshlash hamda muomaladan qaytarib olish tartibi to`g`risidagi nizom Adliya vazirligida ro`yxatdan o`tkazilgan edi.

Unga ko`ra, muomaladagi 50 va 100 so`mlik tangalar, shuningdek, 50, 100, 200 va 500 so`mlik banknotlar muomaladan qaytarib olinadi. Ularning o`rniga esa, 2018 yil namunasidagi 50 so`mlik, 100 so`mlik, 200 so`mlik va 500 so`mlik tangalar muomalaga chiqariladi.

2011 yil namunasidagi qiymati 500 so`m bo`lgan tangalar muomalaga layoqatli.

Muomaladan qaytarib olinadigan eski namunadagi 50 va100 so`mlik tangalar hamda 50 va 100 so`mlik eski namunadagi banknotlar uchun 2019 yil 1 iyulgacha belgilangan edi.

Shunga ko`ra, 2019 yil 1 iyuldan boshlab, 50 va 100 so`mlik tangalar hamda 50 va 100 so`mlik eski namunadagi banknotlar muomaladan qaytarib olindi.

Ularning o`rniga 2018 yil namunasidagi 50 so`mlik, 100 so`mlik, 200 so`mlik va 500 so`mlik tangalar muomalaga chiqariladi.

50_va_100_s_mlik_tangalar_shuningdek_50_100_200_va_500_s_mli.jpg

Eslatib o`tamiz, 200 va 500 so`mlik eski namunadagi banknotlar muomaladan qaytarib olinishi 2020 yil 1 iyulgacha bo`lgan muddatlarda belgilangan.

Barcha tijorat banklari va ularning filiallari mijozlar, shu jumladan, aholi tomonidan topshirilgan eski namunadagi tangalarni hamda eski namunadagi banknotlarni hech qanday moneliksiz, cheklovlarsiz qabul qilishlari va hech qanday to`lov yoki vositachilik haqi undirmagan holda ularni ayirboshlab berishlari shartligi hamda mijozlar arizasiga asosan omonatga, bank plastik kartochka hisob varaqlariga kirim qilish uchun qabul qilishlari mumkin ekanligi belgilandi.