Gonkong ma`muriyati ekstradisiya to`g`risidagi qonun loyihasi ustidagi ishlarni butunlay to`xtatishini ma`lum qildi.
Bu haqda Gonkong ma`muriyati rahbari Keri Lam ta`kidlab o`tdi. Ushbu qonun loyihasi Gonkongda ommaviy norozilik namoyishlarini kelib chiqishiga sabab bo`lgandi. Qonunloyihasi jinoyat sodir etishda gumon qilingan shaxslarni Xitoyning materik qismiga sud qilish uchun ekstradisiya qilishni nazarda tutardi. Aynan shu jihat huquq himoyachilari va gonkongliklarning qattiq qarshiligiga sabab bo`ldi. Bir necha hafta avvalgi namoyishlarda ikki millionga yaqin kishi ishtirok etdi. Namoyishchilar Gonkong ma`muriyati rahbari Keri Lam iste`fosini talab qilib chiqishdi.
