12 iyul kuni Shavkat Mirziyoev ish haqi, pensiyalar, stipendiyalar hamda nafaqalar miqdori oshirilishi to`g`risidagi farmonini imzoladi.
Unga ko`ra, 2019 yilning 1 avgustdan boshlab ish haqi, pensiyalar, stipendiyalar hamda nafaqalar miqdori o`rta hisobda 1,1 baravar (10 foiz) oshirildi.
2019 yilning 1 avgustdan boshlab O`zbekiston hududida:
eng kam ish haqi – oyiga 223 000 so`m (hozirda 202730 so`m);
eng kam yoshga doir pensiyalar va bolalikdan nogironlarga beriladigan nafaqa – oyiga 436 150 so`m (hozirda 396500 so`m);
eng kam zarur ish stajiga ega bo`lmagan keksa yoshdagi va mehnatga layoqatsiz fuqarolarga beriladigan nafaqa oyiga 267 650 so`m (hozirda 243 300 so`m) miqdorida belgilandi.
