Fuqaro A.S.V qizi Sayxunobod tumanida yashovchi fuqaro A.M.D...
Fuqaro A.S.V qizi Sayxunobod tumanida yashovchi fuqaro A.M.D. o`g`li bilan yaqin ishqiy munosabatda bo`lib kelganligi natijasida 13.06.2019 yilda A.R ismli qiz farzandi tug`ilgan. 2019 yil 13 iyul kuni taxminan soat 15-30 larda qizi A.R.ni otasi M.A.D.o`g`liga olib borib, bolani o`zi boqib olishini aytib tashlab ketgan. Oradan vaqt o`tgan farzandini qaytarib olish uchun borganida A.M.D.o`g`li farzandini yo`qligi aytganligi sababli tuman ichki ishlar bo`limiga qizini topishda yordam berishni so`rab ariza bilan murojaat qilgan.
Mazkur ariza bo`yicha o`tkazilgan tezkor-tergov harakatlari natijasida fuqaro A.M.D o`g`li bolasi borligidan ota-onasi xabar topishidan qo`rqib, bir oylik go`dak bolasidan qutulish maqsadida uni qo`shni qishloqdagi biror bir fuqaroni uyiga tashlab kelish uchun mahallasidagi zovur ustidan o`tgan gaz trubasidan o`tayotganida go`dakni zovurga tushirib yuborganligini, keyin uni zovur ichidan suv aralash balchiqdan olib chiqib, zovur chetiga tashlab ustini xas-xashaklar bilan yopib uyiga qaytib ketganligi bildirgan.
Tekshirish jarayonida tayinlangan sudga oid tibbiy ekspertizaning xulosasiga ko`ra voyaga etmagan A.R.ning o`limi nafas yo`llarining balchiq suv aralashmalari bilan berkilishidan hosil bo`lgan mexanik asfiksiya natijasida sodir bo`lganligi qayd qilingan.
Mazkur holat yuzasidan A.M.D.o`g`liga nisbatan Sayxunobod tuman prokurori tomonidan 14.07.2019 yilda jinoyat ishi qo`zg`atilgan va u gumon qilinuvchi tariqasida ushlangan. Hozirda jinoyat ishi bo`yicha dastlabki tergov harakatlari olib borilmoqda.
Viloyat prokurorining birinchi o`rinbosari O.B.Qo`ldoshev tomonidan Sayxunobod tumani sektor rahbarlari, huquqni muhofaza qiluvchi organlar, mahalla fuqarolar yig`ini raislari, faollar, Turon mahallasi aholisi va jamoatchilik ishtirokida mazkur jinoyatning kelib chiqishiga imkon bergan shart-sharoitlar muhokama qilinib, bunday jinoyatlarning oldini olish borasida tegishli chora-tadbirlar belgilab olindi.
Viloyat prokuraturasi jamoatchilik bilan aloqalar va huquqiy axborot tarmog`i
Samarqandda Malibu 2 haydovchisi piyodalarga yo‘l bermay, ularning hayotini xavf ostida qoldirdi. Haydovchiga nisbatan yo‘l bezoriligi bo‘yicha ma’muriy bayonnoma rasmiylashtirildi.
Maʼlum qilinishicha, “Hududgaz Fargʻona” gaz taʼminoti filiali komplaens nazorat tuzilmalari, shahar gaz taʼminoti boʻlimi xodimlari hamda huquqni muhofaza qiluvchi organlar hamkorligida Qoʻqon shahrida nazorat tadbiri oʻtkazgan.
Bosh konsulxona ko‘magida O. V. ga “Yekaterinburg – Toshkent” yo‘nalishi bo‘yicha aviachipta olib berilib, uning O‘zbekistonga xavfsiz qaytishi ta’minlangan.
