my5
all

Sog`liqni saqlash vazirligi: Sirdaryoda “Bor mehrimiz shu xalq, shu vatan uchun!” shiori ostida chuqurlashtirilgan tibbiy ko`riklar boshlandi

Jamiyat 23.07.2019, 14:18
Теглар: Foto
1469
Sog`liqni saqlash vazirligi: Sirdaryoda “Bor mehrimiz shu xalq, shu vatan uchun!” shiori ostida chuqurlashtirilgan tibbiy ko`riklar boshlandi

Ma`lumki, joriy yilning 18 iyul kuni davlatimiz rahbari Shavkat Mirziyoev joylarda amalga oshirilayotgan bunyodkorlik ishlari, ijtimoiy-iqtisodiy islohotlarning borishi bilan tanishish maqsadida Sirdaryo viloyatiga tashrif buyurganida qator topshiriqlar qatori, viloyatda istiqomat qiluvchi aholini malakali mutaxassislar ishtirokida chuqurlashtirilgan tibbiy ko`riklardan o`tkazish bo`yicha topshiriqlar bergan edi.

Mazkur vazifalar ijrosi doirasida Sog`liqni saqlash vazirligi tomonidan joriy yilning 22 iyul kunidan “Bor mehrimiz shu xalq, shu Vatan uchun!” shiori ostida viloyat aholisi chuqurlashtirilgan tibbiy ko`rikdan o`tkaziladi.

Ushbu yirik ijtimoiy tadbirdan asosiy maqsad, birinchi navbatda, hududdagi aholi o`rtasidagi statistik ma`lumotlarning haqqoniyligini aniqlash, ikkinchidan, surunkali kechuvchi – kardiologik, endokrinologik, dermatologik, nevrologik, ginekologik, urologik singari bir qancha yo`nalishdagi xastaligi mavjud bemorlarni dispanser nazoratiga olish va shu asnoda ularni birlamchi tibbiy profilaktika nazoratidan tortib, profilaktikasini to`laqonli o`tkazishga qaratilgan. Uchinchidan esa, ushbu tadbirdamalakali mutaxassislar bilan birga aholini chuqurlashtirilgan tibbiy ko`rik va murakkab jarrohlik amaliyotlarini o`tkazishda faolishtirok etayotgan mahalliy shifokorlar bir vaqtning o`zida o`z bilim ko`nikmalari va tajribalarini yanada oshirish imkoniyatiga ham ega bo`lmoqdalar.

Bunday ko`riklarning yana bir ahamiyatli jihati shundaki, aholi o`z hududidan chiqmagan holda respublika darajasidagi sifatli ixtisoslashtirilgan tibbiy yordam olish imkoniyatidan bahramand bo`lmoqda. Agar bir bemorda bir necha turdagi kasallik mavjud bo`lsa, u ayni yo`nalishdagi tor soha mutaxassislari ishtirokida shu erni o`zida konsiliumi asosida muolaja tayinlanmoqda.

O`tkaziladigan ko`riklarning sifat va samaradorligini ta`minlash maqsadida ixtisoslashtirilgan tibbiyot markazlar direktorlari, akademiklar, ilmiy-tekshirish institutlari, nufuzli respublika klinik shifoxonalarining etakchi olimlari, tibbiyot fanlari doktorlari va yuqori malakali shifokorlari boshchiligidagi kardiolog, endokrinolog, akusher-ginekolog, dermatovenerolog, pediatr, terapevt, travmatolog, allergolog, xirurg, nevropatolog, oftolmalog singari yigirmaga yaqin tor sohada faoliyat ko`rsatayotgan 100 nafarga yaqin mutaxassislardan iborat guruhlar viloyatning eng chekka hududlardagi pensionerlar, jismoniy imkoniyati cheklangan fuqarolar, yolg`iz keksalar, bolalar, fertil yoshidagi ayollarni chuqurlashtirilgan tibbiy ko`rikdan o`tkazmoqda. Ko`riklar davomida mutaxassislar har bir murojaat qiluvchiga alohida e`tibor qaratib, to`shakda yotib qolgan qariyalar va bemorlar holidan xonadonlarga borib xabar olishmoqda. Ko`rik paytida xastaliklar aniqlangudek bo`lsa, har bir bemor uchun maxsus davolash va reabilitasiya rejalari belgilanadi. Jumladan, aholining ambulator sharoitda, tuman, viloyat shifoxonalari hamda respublika davolash-profilaktika muassasalarida o`rnatilgan tartibda sog`lomlashtiriladi.

Hudud aholisiga malakali ixtisoslashtirilgan tibbiy xizmatni yaqinlashtirish maqsadi tashkil etilayotgan ko`riklar davomida mutaxassislar har bir murojaat qiluvchiga alohida e`tibor qaratib, ularga zarur tavsiya va amaliy yordamlarini ko`rsatishmoqda.

Shu o`rinda ta`kidlash joizki, o`tgan yil davomida Sirdaryo viloyatida 21 ta muassasada (QOP, QVP hamda davolash profilaktika muassaslarida) qurilish-ta`mirlash ishlari nihoyasiga etkazildi. “Obod qishloq” dasturi doirasida esa sog`liqni saqlash tizimidagi 11 ta muassasada ta`mirlash ishlari amalga oshirildi. Joriy yilda ham “Obod qishloq” va “Obod mahalla” dasturlari doirasida 17 ta ob`ektda qurilish-ta`mirlash ishlari olib borilmoqda.

“Bor mehrimiz shu xalq, shu Vatan uchun!” shiori ostida o`tkazilayotgan tadbirlar doirasida aholi o`rtasida tibbiy madaniyatni yuksaltirish, sog`lom turmush tarzini qaror toptirish, yuqumli kasalliklarning oldini olish bo`yicha tushuntirish ishlari va muloqotlar ham olib borilmoqda.

Sog`liqni saqlash vazirligi Jamoatchilik bilan aloqalar bo`limi.

Шарҳлар

Sirdaryodan maxsus reportaj: Xalq artistlari xalq xizmatiga keldi… (Foto)

23.05.2020, 12:43

Bugun ko`ngillarni obod qilaman degan har kimning yo`li Sirdaryo viloyatiga tutashishi aniq. Texnogen ofat chin ma`noda butun millatni oyoqqa turg`izdi, bir tan-u bir jon bo`lishga...
Prezident Sardobada: 1480 xonadondan iborat 37 ta uyning poydevoriga tamal toshi qo`yildi (Foto)

15.05.2020, 14:27

O`zbekiston Respublikasi Prezidenti Shavkat Mirziyoev 15 may kuni Sirdaryo viloyatiga keldi.Ma`lumki, joriy yil 1 may kuni Sardoba suv ombori to`g`onining bir qismi o`pirilib, yondosh tumanlardagi...
Shimoli-g`arbiy harbiy okrug harbiylari sirdaryoliklarga yordam berishni boshladi (Foto)

05.05.2020, 12:22

3 may kuni Shimoli-g`arbiy harbiy okrugdan 300 nafardan ortiq harbiy xizmatchilar hamda 20 ga yaqin harbiy va maxsus texnika Sirdaryo viloyatining Sardoba suv omborida sodir...
Qashqadaryoda fotoqopqonga tushgan qor qoplonining suratlari e`lon qilindi

29.04.2020, 12:46

Qashqadaryo viloyati Hisor davlat qo`riqxonasiga  o`rnatilgan fotoqopqonga qor qoplonining noyob kadrlari tushib qoldi.Qor qoploni O`zbekistonning yuqori qor tizmalarida yashovchi jonivor bo`lib, sayyoradagi hayvonot olamining kamyob turlaridan biri...