Toshkent shahar IIBB avtomashina oynasining tusini o`zgartirishda noqonuniy harakat qilganlar jinoiy javobgarlikka toritilishidan ogohlantirdi.
Murojaatda (joriy yilning 5 avgustidan boshlab) avtomobil oynalari tusini o`zgartirish uchun to`lov stavkalari sezilarli darajada pasaytirilgandan so`ng yo`llarda tusi o`zgartirilgan oynaga ega bo`lgan mashinalar soni ortib borishi ortidan ayrim muammolar ham paydo bo`lgani aytilgan.
Xususan, tusi o`zgartirilgan oynali mashinalarning old oynasida maxsus emblemalar (gologrammalar) yo`qligi IIBB xodimlari uchun muammo tug`dirayotgani aytilgan. Murojaatda ta`kidlanishicha, tusi o`zgartirilgan oynali mashinaning old oynasida maxsus belgi (gologramma) yopishtirlgan bo`lishi lozim.
Bu YPX xodimi uchun ham, haydovchi uchun ham qulaylik tug`diradi. Shuningdek bu hujjatni qalbakilashtirish darajasini pasaytirishi eslatib o`tilgan. Bundan tashqari, qalbakilashtirish hollarida qanday jinoiy javobgarlikka tortilish haqida ham aytilgan murojaatda.
Eslatib o`tamiz, rang plyonkasini olish bilan birga, haydovchi o`ng tomondagi old oynaga yopishtirilishi kerak bo`lgan maxsus emblemani oladi. Emblema “qog`oz” hujjati bilan birga rang berish uchun ruxsatnomaning mavjudligini ko`rsatadi. Shuningdek hujjatni qalbakilashtirilmaganligini isbotlovchi ham bo`ladi. Ushbu gologramma old oynaning yuqori o`ng burchagida yopishtirilgan bo`lishi kerak.
YPX xodimi uchun oynada emblemaning mavjudligi haydovchining ruxsati borligini bildiradi. Ya`ni tegishli hujjatni tekshirish uchun tusi o`zgartirilgan oynali mashinani to`xtatish hollari kamroq bo`ladi. Maxsus emblema yopishtirilgan bo`lsa, mashina nazorat uchun to`xtatilgan hollarda, tekshirish ko`p vaqtni talab qilmaydi.
Shuning uchun, eslatma bilan ruxsat olgan haydovchilarga murojaat qilamiz: old oynaga emblemani (gologramma) yopishtirishni unutmang!
Shuningdek, aholining rang berish mavzusiga katta qiziqishi tufayli hujjat va emblemani qalbakilashtirish, soxta buyumlarni sotishda ishtirok etish yoki ulardan foydalanishga urinishlar bo`lishi mumkin. Eslatib o`tamiz, har uch holatda ham, O`zbekiston Respublikasi Jinoyat kodeksining 228-moddasi “Hujjatlar, shtamplar, muhrlar, blankalarni tayyorlash, qalbakilashtirish, ulardan foydalanish” siz javobgar bo`lishni istamagan javobgarlikni nazarda tutadi